આંખની ભાષા કઈ? * આસું. -આનંદનાં ,સુખનાં. * પ્રેમનાં. -દુઃખનાં કે શોકનાં.

કઈ બાબતનું એકાંતમાં આચરણ થાય તો સારું? * ઇશ્વરભજન,સાધના,અભ્યાસ. * વિષયસુખ. * લાગણીનો વિનિમય અને શિખામણ.

કોને વૃધ્ધાવસ્થા આવતી નથી? * તૃષ્ણાને.

સતત સ્મરણમાં રાખવા જેવું શું ? * દશ્યમાન નાશવંત છે તે વાસ્તવિકતાનું ક્ષણવાર પણ વિસ્મરણ ન કરવું

સંસારી અને સાધુમાં તફાવત શું ? * મળે તે મુઠીમાં પકડી રાખે અથવા ભવિષ્ય માટે બચાવે તે સંસારી. * મળે તેને વહેચી દે,કશાને પકડી ન રાખે તેસાધુ,સંસારમાં રહે પણ સંસારને પોતાની અંદર પ્રવેશવા ન દે તે સાધુ.

માળા શા માટૅ ફેરવવી ? * આધાર વિના ભગવાન ના ભજી શકાય એ કારણે. * મનને ફેરવવા માટે.તેને માયામાથી ખસેડી પરમાત્મામા જોડાવા માટે. રોગનો દરવાજો કયો ? * અનિયમિતતા. * ભોગવિલાસ. * સ્વાદ પાછળની દોડ

કયું ચક્ર સ્વયંભુ ફર્યા કરે છે ? * વિનાશક કાળચક્ર.

સહનશક્તિને અકબંધ રાખવાનો ઊપાય શું ? * ધરના અને જગતના લોકોને બાળકો ગણવા. * જગતના લોકો દુષ્ટ નથી પણ અજ્ઞાની છે અને તેઓ જે કાંઈ ખોટું કરે છે તે અજ્ઞાનને કારણે કરે છે તેવા વિચારની સતત  હાજરી.

સૌથી મોટામાં મોટી પીડા કઈ? * આશા અને તૃષ્ણાની. * વાસનાની પીડા

વિજયપ્રાપ્તિનો સાચો આનંદ કયારે મળે ? * વિજયનો અહંકાર ન આવે તો. * મનની ગતિ-વિધિ પર વિજય મેળવ્યો હોય ત્યારે.