વિશ્રાતિનો વિચાર કયારે કરવો? * છેલ્લામાં છેલ્લું આવરણ ભેદાઈ જાય ત્યારે.

વિકસાવવા જેવો પ્રથમ ગુણ કયો ? * માનવતા.

ખરૂં બ્રાહ્મણત્વ કયાં પ્રગટે? * જયાં વિજ્ઞાન, દર્શન, ધર્મ,ત્યાગ અને તપશ્ચર્યા હોય.

આપણામાં જગાડવા જેવું શુ છે? * વિવેકશક્તિ.   અને ખીલવવા જેવું શું છે? * જે જેવું છે તેવું તેને ઓળખી લેવાની શક્તિ,એટલે કે સાચી સમજણશક્તિ.

શેની ચિંતા ન કરવી ? * જે ભાગ્યને આધીન હોય તેની.

સૌથી બળવાન કોણ ? * પરમાત્મા. * સમય.

મૂઝવણ કોને કહેવાય? * મનની એવી સ્થિતિ જેમા સારૂં શું અને નરશું શું તે નક્કિ ન કરી શકાય.

મહાત્મા કોને કહેવાય? * જેને પોતાની જાત પર વિજય મેળવ્યો છે તેને.

અપ્સરાઓ શું છે? * મધુર કલ્પનાઓ.

સાચા વિકાસનો સંદેશ કયારે મળે? *બહારના જગત માટે સંતોષ અને આંતર જગત માટે અસંતોષ રાખવો એ સાચા વિકાસની નિશાની છે.