---

ઓખાહરણ-કડવું-૨૨   ((રાગ-સાખી)

હાંરે બેની તારે, વિછુવા કર કંકણ મુદ્રિકા ને હાર;

એ પુરુષ વિના પહેરે પ્રેમદા, તેનો ધીક પડ્યો અવતાર.

 

સેંથો ટીલડી રાખડી, નયને કાજળ કુમકુમ આડ;

પુરુષ વિના કરે પ્રેમદા, તેનો ધીક પડ્યો અવતાર.

 

(ચોપાઈ)

 

બાઈએ છોડી નાખ્યા હાર રે,

આ તું લે તારો શણગાર રે;

હું તો નહિ પામું ભરથાર રે,

નહિ ઓઢું ઘાટડી રે.

 

બાણાસુર મારો બાપ રે,

મારા કોણ જનમનાં પાપ રે;

મુને નહિ પરણાવે આપ,

નહિ જોઉં વાટડી રે.