શિવજી બાણાઅસુરને તેનો ભુતકાળ જણાવે છે ઓખાહરણ-કડવું-૧૪          (રાગ-આશાવરી) બળીઓ બાણાસુર રાય, પુત્રમાગવાને જાય; મહાદેવજીની પાસે આવી, બેઠો તપ કરવાય. એક હજાર હાથે તાળી પાડી, તવ રીઝ્યા શ્રી મહાદેવ; આપો ને આપો શિવજી, પુત્ર એક તતખેવ. ચિત્રકોપ લહિયાને તેડ્યા, કર્મ તણા જોનાર; પૂર્વે રાજા તું તો કહાવે, વૈશ્ય તણો અવતાર. તારા પેટે એક જ હતો, લાડકવાયો બાળ; ભોજન કરવા તું તો બેઠો, તે સાંભળને ભુપાળ. તુજ ભાણામાં જમવા આવ્યો, વેગે તારો બાળ; માટી વાળા હાથ હતા, બાળકના તે વાર. ત્યારે તુજને સંખ્યા આવી, હાંકી કાઢ્યો બાળ; બાળક ત્યારે થરથર ધ્રુજ્યો. સાંભળને […]