---

લીલા વટાણાની કટલેસ

સામગ્રી-

લીલા વટાણા-૫૦૦ ગ્રામ

આદુ,લીલા મરચા,લસણની પેસ્ટ-૨ ચમચા

મીઠું-સ્વાદ મુજબ

લીંબુનો રસ-૨ ચમચા

ખાંડ-૨ ચમચી

બારીક સમારેલી કોથમીર-૨ મોટા ચમચા

ગરમ મસાલો-૧ ચમચી

હીંગ-ચપટી

આરારૂટ પાવડર-જરૂર મુજબ

શેકેલા શીંગદાણાનો પાવડર-૨ ચમચા

શેકેલા તલ-૧ ચમચો

તળવા માટે તેલ

રીત-

-વટાણાને અધકચરા વાટી લો

-કઢાઇમાં થોડું તેલ મૂકી હીંગ નાંખીને વટાણાને વઘારો,તેમાં બધો જ મસાલો નાંખીને  થોડું પાણી છાંટીને ચઢવા દો

-હવે કઢાઇ નીચે ઉતારી તેને ઠંડું પડવા દો

ઠરે એટલે તેમાં આરારૂટ પાવડર ઉપેરી થોડું કઠણ કરો

-તેના નાના ગોળા વાળી, થેપીને કટલેસ તૈયાર કરો

ગરમ તેલમાં મધ્યમ આચે ગુલાબી રંગની તળૉ

-લીલી ચટણી, ખજૂર આંબલીની ચટણી, ટમેટો કેચ અપ સાથે ગરમ ગરમ પીરસો