---

ઓખા પોતાના સ્વપ્નનું વર્ણન કરે છે

ઓખાહરણ-કડવું-૩૭    (રાગ-સાખી)

સોરઠ દેશ સોહામણો, મુજને જોયાના કોડ;

રત્નાગર ગોમતી ત્યાં રાજ કરે રણછોડ.

 

સોરઠ દેશ સોહામણો, ન ચડ્યો ગઢ ગિરનાર;

ન ન્હાયો ગંગા ગોમતી, તેનો એળે ગયો અવતાર.

 

સોરઠ દેશ સોહામણો, ઢેલ ગેલ કરંત;

ગંગોદક ભરી કંચૂકી, રાય હરિચરણે ધરંત.

 

સોરઠ સુઘડ માનવી, રાજ નિત નિત કરે વહેવાર;

એક નગર રહે માનવી, તેને ઊભા ઊભા જુહાર રે.

 

(રાગ:હુલારી)

 

આજે રે, સ્વપ્નમાં દીઠી ગોમતીની તીર રે,

આજ સ્વપ્નામાં દીઠા હળધરજીના વીર રે;

આજ સ્વપ્નામાં દીઠા સુંદર ભરથાર રે,

તેમાં અડધાં ઊંઘ્યાં ને અડધાં જાગતાં રે.