---

ઓખાને ચિત્રલેખાની સલાહ

ઓખાહરણ-કડવું-૩૫   (રાગ-આશાવરી)

સ્વપ્નં સાચું ન હોય, સહિયર મારી સ્વપ્નું સાચું ન હોય. ટેક.

એક રંક હતો તે રાજ્ય પામ્યો, સ્વપ્નાંતર મોજાર રે;હસ્તી ઝુલે તેને બારણે

 

રથ ઘોડા પરમ વિશાળ રે,જાગીને જોવા જાય ત્યારે, ગંધર્વ ન મળે એક. સ્વપ્નું..

 

એક નિરધનીઓ તે ધન પામ્યો, સ્વપ્નાંતરમાં સાર;

તેને દેશ-વિદેશ વહાણ ચાલે; વાણોતર છે સાર,

જાગીને જોવા લાગ્યો ત્યારે, કોને લાવે પાસ. સ્વપ્નું..

 

મૂરખ હતો તે સ્વપ્નાંતરમાં, ભણિયો વેદ પુરાણ;

જાગીને ભણવા જાય ત્યારે, મુખે ન આવડે પાષાણ.

સ્વપ્નં સાચું ન હોય, સહિયર મારી સ્વપ્નું સાચું ન હોય…

 

એક વાણિયો તે સ્વપ્નાંતરમાં, વેગે પામ્યો બાળ;

જાગીને જ્યારે જોવા જાય ત્યારે, કોનું લાવે બાળ.

સ્વપ્નું સાચું ન હોય સહિયર મારી, સ્વપ્નું સાચું ન હોય.